Loading

18.8.14

Ek kom te gou

****é *** *** ***** skryf: "Ek is 27 en my meisie in 25. Wanneer ons (veilige) seks beoefen, gebeur dit soms dat een van ons gouer 'n klimaks bereik as die ander een. Hoe kan ons maak dat ons tegelyktydig 'n orgasme kan bereik?
Mooi week vir jou."

Antwoord: Bly om te hoor julle is veilig.
Dis nou dalk die tyd om te noem dat mens nie gelyk MOET kom nie. Seks gaan oor wedersydse genot. Solank albei dit besef maak dit nie juis saak wie wanneer kom nie.
Dit is egter lekker om van tyd tot tyd saam te kom. Kom jy te gou? Dan is daar baie raad op hierdie blad vir jou.
Soms is dit ook 'n geval van tydsberekening. Soos jy jou bedmaat en jouself leer ken sal jy min of meer 'n idee kry vir wanneer om wat te doen sodat julle saam kan kom. M.a.w. gee aandag aan jou maat en hoe haar liggaam reageer. Julle sal albei daarby baat in die toekoms.



J*** *** *** skryf:
"EK IS 30, FIKS, GESOND, ROOK EN DRINK NIE EN GEBRUIK NIE MEDIKASIE SO IN BAIE MENSE SE OE N GESONDE MENS MAAR AS DIT IN DIE BED KOM VAL EK HEEL UIT DIE BUS. EK KOM HEELTEMAL TE VINNIG EN KAN N VROU GLAD NIE BEVREDIG, DIT GEBEUR SOMS SOMMER NOG VOOR DIE DAAD BEGIN HET. EK HET NIE N PROBLEEM OM STYF TE WORD NIE, MAAR DIE OOMBLIK AS EK GEKOM HET WORD DIT PAP. NA N HALFUUR IS EK WEER REG EN DAN VAT DIT OOK BIETJIE LANGER OM TE KOM. KAN JY HELP ASB?"

Antwoord:
Ben gee hieronder oefeninge aan wat jy kan doen en lees ook ander se raad.



S****** ********** skryf:
"Elke keer as ek en my vrou intiem verkeer sukkel ek met vroeë ejakulasie. Help asseblief."

Marthie van Zyl:
Ja, baie mans doen, maar meeste kry nie hulp nie en die probleem word net erger. Daar is baie raad vir die probleem, bietjie moeilik om raad te gee op die MIN inligting wat ek kry, maar ek gaan dit so stel ... jy moet nou maar self kyk aan wat jy voldoen en aan wat nie ... vroeë ejakulasie word veroorsaak deur ONDER ANDERE oorgewig, onfiksheid, te veel rook en drink, stres, swak eet- en slaapgewoontes, knypspiere wat nie meer so goed funksioneer nie, siekte toestande en sekere medikasie wat gereeld geneem word, bv. vir bloeddruk probleme.
Vir siekte en medikasie moet jy jou dokter gaan sien vir hulp, vir die meeste ander kan jy jouself help, en vir die knypspiere kan jy oefeninge doen as jy waterafslaan: knyp die urine die heeltyd terug en laat net bietjie bietjie uit, om dit baie gereeld en oor 'n tydperk van 'n paar weke te doen versterk jy weer die knypspiere in so 'n mate dat die ereksie (ejakulasie ) probleem gewoonlik homself oplos.
Mooi bly



Attie skryf:
Ek is besny toe ek nog klein was so ek weet nie hoe voel seks met 'n vel nie al wat ek wil weet is, ek kom verskriklik vinnig soos maar in onder 'n minuut en wil net weet wat kan ek doen om langer aan te hou, ek kan heel aand aanhou maar kom elke keer vinnig en nou weet ek nie of dit gesond is vir die huwelik nie want ek moet haar altyd verder help en dit is asof sy nie altyd dit wil hê nie. Ek sal bly wees as jy my kan raad gee

Marthie van Zyl:
Ja, dit is 'n bietjie vinnig en kan dalk veroorsaak dat jou vrou n bietjie langer wil aanhou. Daar is verskeie medikasie op die mark vir die tipe probleem (jy is nie die enigste een wat daarmee sukkel nie) ek kan ongelukkig nie iets voorstel nie, want elke mens reageer verskillende op elke medikasie. Jy sal moet toets tot jy een kry wat werk vir jou, daar is ook eenvoudige oefeninge wat jy sommer dadelik kan begin. As jy jou blaas leeg maak, knyp die urine kort kort terug, as jy gewoond geraak het aan die gevoel, kan jy dit sommer deur die loop van die dag oefen, na 3 maande en BAIE knyp los knyp los, verbeter die probleem oor die algemeen sommer vreeslik baie. Blaas spiere word slap en het onder andere tot gevolg dat mans te vinnig kom. Jou vrou kan dit ook oefen, dan sal sy ook stywer kan knyp gedurende seks, en dit vir jou hemel op aarde maak, maar kry jouself eers reg, anders kom jy nog vinniger ...



Anoniem vra:
"Kan viagra help vir Premature ejaculation?"

Marthie van Zyl:
Ja, indien Viagra wel help vir die persoon wat dit gebruik sal dit uit die aard van die saak ook help met premature ejakulasie. Viagra werk egter nie doeldreffend vir alle mans nie, en indien dit nie help met 'n man se ereksie nie sal dit ook nie help met ejakulasie beheer nie. Daar is egter talle middels op die mark wat met die probleem kan help, nader 'n uroloog in verband hiermee.


John Doe skryf:
"Ek het al baie probeer sin maak uit hoekom vrouens langer vat as mans om klimaks te bereik. Ek het seker gemaak dat ek my vrou goed voorberei, maar steeds kry ek dit nie reg om uit te hou nie. Ek kan voel sodra sy naby haar klimaks is, en dan is dit vir my of ek wil mal word. Elke keer stop ek, en dit veroorsaak dan dat sy belangstelling verloor. Ons het 'n great huwelik, baie lank al saam, en ek wil graag hê ons moet ons goeie jare saam geniet. Beide van ons is nog onder 30.
Dit gebeur wel dat ons saam klimaks bereik, maar slegs aande waar ons bietjie gekuier het, dis asof ek dan minder voel, of meer wilskrag het. Ag ek weet nie.
Nog 'n ding is, sodra my vrou die eerste keer klimaks bereik het, is dit vir haar dan verby. Ek wil nog aangaan, maar sy wil nie. Hoekom sal dit wees?"

Ben:
Jy kan begin met die oefening van Masters and Johnson wat ek elders op die blad beskryf. Nog iets wat jy kan probeer is visualisering. Indien jy voel jy kom te naby aan fyndraai kan jy negatiewe gedagtebeelde probeer oproep wat moontlik 'n uitwerking op jou ereksie kan hê. Probeer ook om jou voorspel te verander. Praat meer met haar oor waarvan sy hou en wat sy graag sou wou doen.
Dit is nie vreemd dat alkohol help om van julle inhibisies oor seks ontslae te raak nie. Dit is heel moontlik dat jou orgasme uitgestel word omdat jy minder emosioneel betrokke is. Dit is net so moontlik dat jou vrou ook makliker tot orgasme kom omdat sy beter voel oor haar liggaam en seksualiteit.



Kom-masjien skryf:
"Ek is 19jaar oud en dink ek sit met n probleem, ek en my girl wat ook 19 is, gaan nou al so 8 maande uit maar ons kan nie meer seks hê nie want ek kom te vinnig. Ons is seker 2 minute op die job dan is ek in die rooi... Wat gaan aan?"

Ben:
Dis nie vreemd vir jong mans om te gou te kom nie. Beheer word soms net met ouderdom aangeleer. Sien die raad wat ek hieronder gee.



S**** skryf:
"Ek is nou 19 jaar terug in matriek gewees maar kyk daar is 'n ding wat my moer baie pla man!
Ek en my girl het so 6 maande uitgegaan en ag, om eerlik vir jou te sê, seker so 3 keer 'n maand bietjie ge-operate... Elke keer kom ek te gou. Ek sweer ons pomp seker vir 3 minute dan is ek in die rooi...
Wat stel jy voor of wat dink jy is dit?"

Ben:
Indien dit oornag begin gebeur het stel ek voor jy gaan spreek jou dokter. Ek beskryf ook 'n oefening hieronder iewers wat jy kan doen om jou orgasme / ereksie beter te kan beheer.



Kobus skryf:
"Ek gebruik Viagra, nie omdat ek sukkel met ereksies nie, maar juis vir "te gou kom". Die Viagra maak my so styf dat dit amper pyn. Dit gee my daardie bietjie uitstel wat mens partykeer nodig het. Die ander groot voordeel is dat jy dan ook nie dadelik pap word na jy gekom het nie. M.a.w., is vroulief nog nie klaar nie, is jy nog styf genoeg om vir haar te wag. Ek gebruik dit ongereeld. Daardie dae as ek baie moeg voel of nie regtig in die bui vir seks is nie."



Jason skryf:
"Man ek en my verloofde is nou al bietjie oor die twee jaar saam met n baie gelukkige lewe, maar iets begin nou baie krap, ek klimaks so blerrie gou, ek bedoel dit gebeur binne die eerste minuut of twee en ek raak nou dik daarvoor. Ek was by Mens Clinic gewees en hulle het my pille gegee wat nie gewerk het nie. Ek is weer terug en toe gee hulle my inspuitings wat ek self moet doen en dit hou my penis vir 'n hele uur stokstyf, maar dit is ongemaklik om altyd myself in te spuit en dit pla my verloofde want sy kan nie so lank uithou, sy kla ook dat na die eerste halfuur begin sy baie seer kry. As ek gaan vir besnyding sal dit help om langer uit te hou of is daar iets wat ek daarvoor kan gebruik?"

Ben:
Soos altyd stel ek voor jy oefen om jou orgasme en ereksie te beheer. Ek beskryf die metode hieronder. Persoonlik sou ek nie besnyding aanbeveel nie.



Olie skryf:
"Ek het ´n probleem dat ek te gou ´n orgasme bereik, tussen 2 tot 3 min. Ek het al verskeie rate en raad probeer sonder enige sukses. Nou wil ek net graag weet, indien ek Viagra sou gebruik, sou ek nie langer neem om ´n klimaks te bereik nie?"

Ben:
Indien jy nog nie my raad hieronder gelees het nie stel ek voor jy probeer dit eers.
Sover ek weet word Viagra net voorgeskryf vir mans wat sukkel om ´n ereksie te kry of lank genoeg te behou.
Daar is sekere rome op die mark wat sommige mans beweer werk vir hulle. Jy kan ook ´n kondoom gebruik om gevoeligheid te verminder. Ek het wel ook al gelees van ´n studie waarin Paxil en Viagra na bewering suksesvol saam gebruik is vir premature ejakulasie. Ek stel voor jy gaan bespreek jou opsies met ´n geneesheer.



"Hallo Ben
Ons is raadop. Ons het nou net seks gehad (sorry, ons wou nou net seks gehad het) toe iets ongewoon en onverwags gebeur. Nog voordat ek by die daad kon uitkom, het ek al reeds gekom. Is dit normal, of moet ek solank ´n afspraak by die dokter maak? Natuurlik, bygesê, is my beter helfde een deksels sexy girl.
By voorbaat dank
- SK en SP"

Ben:
Jy sê nie hoe oud jy is nie, maar dit jou probleem klink vir my soos premature ejakulasie. Kyk na die raad wat ek hieronder gee en onthou dat dit meeste mans een of ander tyd oorkom.



"Ben
Ek sukkel baie met premature ejakulasie en ek kan dit amper so stel dat die gedagte van seks nog net in my brein begin ontwikkel, dan is die stroom al daar en alles is sopnat.
Gee asseblief vir my raad?"

Ben:
Premature ejakulasie is wanneer jy te gou kom, voor daar genoegsame stimulasie vir beide bedmaats was. Meeste mans ondervind die probleem op een of ander stadium van hul lewe. Onthou net asseblief altyd dat "te gou" nie vir almal dieselfde is nie. Sodra die man self oortuig is dat hy te gou kom is dit normaalweg ´n goeie aanduiding dat premature ejakulasie ter sprake is.
Wat presies premature ejakulasie veroorsaak is nie heeltemal duidelik nie. Dit wil voorkom of sielkundige faktore soos angs ´n rol speel. Jong mans kom ook gouer as ouer mans. Aangeleerde beheer kan dus ook ´n rol speel.
My voorstel sou wees om die Masters and Johnson-metode te gebruik om die probleem te oorkom. Wat ek van die metode hou is dat jy baie oefening nodig het om dit te oorkom :-)
Hier is hoe jy te werk gaan: Slaan hand aan die lyf en skommel tot jy amper wil kom en STOP. Ontspan heeltemal en begin weer. Hou so aan en probeer om jouself elke keer bietjie nader aan ´n orgasme te bring. Hou so aan tot jy kom.
Die idee is om jou te leer waar fyndraai vir jou lê. Die volgende stap is om ´n bedmaat te kry om jou te skommel of met die mond te stimuleer. Onthou om vir hom/haar te sê om te stop! Hou so aan tot jou penis nie meer wil regop bly nie. Julle moet dit vir ´n paar dae doen voor daar penetrasie op enige ander plek as die mond is.
Lê onder wanneer julle vir die eerste keer weer seks het. Sorg dat jou bedmaat dit nie te veel aandik nie en sodra jy voel jy wil kom moet jou bedmaat wegtrek. Ontspan heeltemal en begin weer.
Dit is ´n lang proses. Moenie moed verloor as jy hier en daar koers verloor nie. Hou net aan.

11.8.14

Wie moet betaal?

Wie moet betaal vir die eerste afspraak? Die man of die vrou?
Die man natuurlik, sê meeste ongetroude mans. It's Just Lunch, 'n maatskappy wat spesialiseer in afsprake vir enkellopendes wêreldwyd, het 'n opname gedoen onder 'n paar duisend van hul kliënte. Hiervolgens meen 82% van alle enkellopende mans dat die man moet betaal, dit terwyl 46% van alle enkellopende dames glo die rekening moet gelykop verdeel word.
Wanneer die kelner by die tafel kom vir drankies en die persoon saam met wie jy is sê hulle drink nie sal 62% van die mans 'n koeldrank of water bestel. Vrouens gee meesal nie om of die man iets drink of nie, 41% van hulle sal 'n glas wyn bestel al bestel die man net 'n glas water.
Ander neigings wat It's Just Lunch se opname toon is:
  • 32% van mans sal nie vir jou sê as daar kos in jou tande vassit nie; 55% van die vrouens gaan jou egter daarop wys.
  • 80% van enkellopendes bespreek hul gunsteling eetplekke voor die eerste afspraak.
  • Gewilde eetplekke vir die eerste afspraak is 46% Italiaans, 19% Steakhouse en 8% Frans
  • Wat wyn betref verkies die meeste enkellopende mans merlot. 58% van hulle sal egter nie rooi bestel indien die dame wit verkies nie. Gewoonlik val die keuse dan op chardonnay.
  • 75% van enkellopende vrouens sal hul eie bottel wyn verkies indien hul smaak verskil van die van die man.
  • Terwyl 82% van die mans sal verkies om die dame by die huis te kry sal 46% van die dames verkies om op eie houtjie tot by die restaurant te kom.
  • Wie doen wat as hulle steak nie reg gaargemaak is nie? 39% van die mans gee nie om nie en eet verder terwyl 70% van die vrouens dit op 'n mooi manier aan die kelner sal verduidelik.

En maak seker die kelner se fooitjie is goed. 61% van alle vrouens gaan jou lae punte gee indien jy net die standaard 10% of minder gee.

4.8.14

Wat dogters moet weet

A***** skryf:
"Ek will graag die volgende weet:
1) Op watter ouderdom moet ek vir my dogters vertel van al die nodige dinge?
2) Wat presies moet ek hulle meedeel?
3) Kan jy my die nodige inligting gee om aan hulle te vertel op 'n manier wat hulle kan verstaan."

Ben:
Hierdie is 'n warm patat vir menige ouer. Wat baie ouers nie weet nie is dat kinders in Suid-Afrikaanse skole reeds vroeg van voortplanting leer. Wat ek probeer sê is dat ons hierdie gesprekke dalk baie vroeër moet hê as wat ons dink. Na my mening is dit baie beter dat die boodskap eerste by monde van die ouer kom.
Dit help nie om doekies om te draai nie. Onthou dat jou kinders ook ander bronne van inligting het. Daar is hul maats, boeke en die Internet. Indien hulle met jou hieroor praat is dit 'n moontlike aanduiding dat hulle jou mening respekteer, maar dit kan ewe maklik verander as hulle uitvind jy het gelieg of nie alles vertel nie.
Jy moet ook duidelik kan oordra dat jou ervaringsveld met betrekking tot die onderwerp beperk is. Sorg ten minste dat jy die fisiologie onder die knie kry voor jy tot die gesprek toetree.
Ek wil nie 'n definitiewe ouderdom vaslê vir hierdie gesprek nie. Soms word ons gepeper met vrae deur 'n klein kindjie. Die gesprek begin dan reeds. Nie dat jy skielik oor alles moet praat nie! Dit gee jou wel 'n aanduiding van wat hulle weet en graag wil weet. Daarna kan jy op 'n jaarlikse basis uitwei oor die onderwerp.
Indien die kind se tienerjare aanbreek en daar was nog nie 'n gesprek nie is die tyd ryp. Sommige navorsers beweer dat die gemiddelde Westerse kind nou reeds op 11 seksueel aktief is. Wat presies die realiteit is sal ek nie kan sê nie, maar ek sal veilig speel en sorg dat ek reeds op die ouderdom van 10 my eerste gesprek gehad het.
Belangrike onderwerpe vir bespreking:
  • Fisiese veranderinge
  • Menstruasie
  • Seuns, byvoorbeeld hul fisiese kenmerke en hoe hulle seksueel opgewek word
  • Gemeenskapskwessies met betrekking tot seks, byvoorbeeld wat is seksuele losbandigheid in die oë van die gemeenskap
  • Seksualiteit
  • Seksueel oordraagbare siektes, byvoorbeeld HIV/Vigs!

Praat in 'n taal wat vir jou gemaklik is. Jou storie gaan legitiemiteit verloor as jy jou skielik wil voordoen as jonk en cool. Onthou hulle ken jou!
In meeste gevalle sal hulle vra indien hulle nie verstaan nie, maar moet nie verbaas wees as hulle in die begin bietjie ongemaklik voorkom nie. Dit is ook baie belangrik dat jy nie 'n bohaai maak as hulle kennis oor die onderwerp jou skok nie. Hou die kanale vir kommunikasie oop.
Dit is effe vergesog om te dink dat een gesprek een persoon(tjie) se seksuele aktiwiteite vorentoe kan bepaal. Ek dink dit help wel om as riglyn te dien vir iemand wat basies in die donker rondtas.
Lesers wat reeds hierdie pad gestap het kan gerus van hulle laat hoor.

28.7.14

Kry SA mans te min seks?



Is dit so?

21.7.14

Jaloesie

******* **** skryf: "Ek en my vriend gaan nou al 10 maande uit, ek en hy is al 10 jaar lank werkskollegas. Hy is my vriend en het alles met my gedeel oor sy vorige meise waarby hy een seun het, sy het uit n vorige verhouding n dogtertjie. Ek het geen kinders nie. Ek raak baie gou jaloers as ek sien hy bel haar familie of as hy 'n ander vrou te veel aandag gee of grappies maak. Hy het altyd met my sulke grappies gemaak en nou voel ek net dat hy my sal verneuk want hy het altyd met my so gepraat en grappies gemaak toe ons net vriende was. Ek is baie lief vir hom. Die kinders is by ons in die week en naweke gaan hulle na haar toe, maar dit voel of ek so misbriuk word. Ons het n wonderlike seks lewe en na n rusie is dit meer opwinding as ooit. Ek raak so jaloers as sy hom bel oor die kinders in die week sy bel nie eskuus sy gee hom n please call me. Hy sal alles los en haar binne n sekond bel. Ek het al hoeveel keer vir hom gevra hoekom hy so na haar pype dans, sy antwoord is net sorry ek het dit nie so bedoel nie. Ons werk saam en dit maak dit vir my moeilik om te sien hoe die dames altyd sy aandag soek, en partykeer dink ek hy geniet dit. Ons het al hewige rusies hieroor gehad. Die een vrou by ons werk vat alewig aan hom as sy met hom praat, aan sy skouer of sy gaan staan regaan hom en praat en dit maak my kwaad. Sy het byvoorbeeld by ons werksete heel gerus gesit en nie baie gepraat met die res van ons nie, maar toe die mans instap is sy so happy dis net nie die waarheid nie. Al die mans gaan staan buite en toe ek uit loop waar sal sy nie staan reg langs hom met haar arms so uitgestrek langs hom op die paal. Ek dink ek is net kwaad omrede hy dit nie stop nie nadat ek hom soveel keer al vertel het wat sy doen en ek ken haar tipe ek het dit al baie gesien waar ons werk.Ons sal dan vir dae nie praat nie en dan sal een van ons ingee en dan sal hy se hys jammer en dat hy daarna sal oplet. Hy het ook al vir ons werkskollegas gese dat ek jaloers is op haar en dat ek hom beskuldig, nou dink almal ek is die malletjie in die verhouding.Daar is so baie wat ek vir hom doen. Daar was niks in die huis nie ek het dit gemaak wat dit vandag is die kinders het nie eers n bed gehad om op te slaap nie ek het daai huis gemaak wat dit vandag is. Is ek jaloers of moet ek hom spasie gee?Sy eks meisie is so tese n alkolis ek het vir hom gese dat daar nie sal drank wees by ons huis nie, en sover het hy dit nagekom maar sal nie twee keer dink op n dop te gaan drink nie. Ek is moeg ek het nog nie n behoorlike vakansie gehad nie want as sy die naweek besluit om te drink moet ek na kinders kyk en alles doen en dan gaan hy nog op sy bike rides en ek kiepie is weer opgesaal met die kinders. Help."

Antwoord: Hierdie aanhaling uit 'n antwoord elders op die blad som dit mooi op: "´n Klein (baie klein) hoeveelheid jaloesie kan baie help om die vuur in ´n verhouding te laat brand, maar net so maklik kan te veel daarvan enige verhouding blus."
Natuurlik is jy nog onseker op hierdie stadium. Die verhouding is nuut en julle moet nog uitwerk presies waar julle met mekaar staan.
Dit is nie reg om te verwag dat hy nie kontak met ander vrouens sal hê nie. Dit is deel van ons sosiale natuur. Mans sien ook nie aldag wanneer vrouens in hulle belangstel nie. Jy kan hom beslis nie verkwalik vir wat jy dink in ander vrouens se kop aangaan nie. Deel van enige verhouding is die vertroue wat julle in mekaar stel. Daarsonder raak die verhouding ongesond. In jou geval kan julle werksomstandighede ook verongeluk word. Indien dit by die werk gebeur moet jy dit daar los, moet dit nie huis toe bring nie.
Die eks sal julle iewers moet inpas, want hulle het 'n kind saam en sal moet kan kommunikeer. Daar sal egter definitiewe reëls neergelê moet word oor die hoe, waar en wanneer. Skryf neer presies waar en wanneer jy verwag hulle NIE moet kommunikeer nie en vra hom vir sy mening oor jou lys. Pas die lys so aan dat dit julle albei pas.
Indien hy 'n tydjie afkry met sy motorfiets behoort jy ook iewers tyd te maak vir jouself. Spreek af dat jy ook nou en dan sal gaan vir 'n skoonheidsbehandeling of 'n uiteet saam met 'n vriendin, terwyl hy na die kinders omsien. Hy sal nie weet wat jy doen voor hy nie self in daardie posisie was nie. Dit is ongebalanseerd as net een persoon heeltyd by die huis moet bly met die kinders.
Ek is seker met so 'n bietjie selfbeheersing kan jy daardie groen monster oorwin. Jaloesie kan julle ongelukkig van mekaar vervreem indien dit die verhouding oorskadu.



Baby Blue Eyes skryf:
"Ek is ook die jaloerse tipe omdat my ou my voorheen verneuk het. Ek was wel ook jaloers voordat hy my verneuk het en weet nie of my jaloesie hom afgeskrik het en dat hy groener weivelde gesoek het nie of miskien 'n meisie wat nie jaloers is nie. Ons gaan nog steeds uit, maar dit voel vir my ek kan hom nie meer vertrou nie en wonder altyd wat doen hy as hy nie by my is nie. Ek raak hipper jaloers as ek werk en hy nie werk nie en hy die dag vir homself het, want ek weet nie wat hy maak nie. Hy is net so jaloers op my al wil hy dit nie erken nie. Ons gaan nou 2 jaar en 4 maande uit. Ons twee het baie bereik tydens ons verhouding en is nie bereid om dit op te offer vir enige ander persoon nie. Ons altwee het al baie seer gekry in die verhouding. Wat kan ons doen om die verhouding te red terwyl ons nog kan?"

Ben:
Mekaar vertrou wil ek sê, maar dan is dit makliker gesê as gedoen.
So koop vir julle 'n groot sak geduld, 'n hoop papier en probeer die volgende oefening (nie wanneer jy onlangs jaloers was nie):
Elkeen maak 'n hopie met papiertjies waarop hy/sy die dinge neerskryf wat haar/hom jaloers maak.
Nou maak elkeen 'n tweede hopie van emosies. Hoe het jy gevoel elke keer as jou maat iets doen wat jou jaloers maak. Daar moet 'n papiertjie vir elkeen van die jaloesie-papiertjies in die eerste hopie wees.
Die volgende hopie gaan uit papiertjies bestaan waarop jy neerskryf wat jy dink jy kan doen om te vermy dat jy so groen raak.
Die vierde hopie gaan papiertjies hê waarop jy neergeskryf het wat jy dink jou maat kan doen om te help.
Nou kry julle beurtelings kan om 'n rytjie uit te pak. Een ry sal vier papiertjies hê. 1. Die probleem, 2. die emosie, 3. wat jy kan doen en 4. dit wat jou maat kan doen.
Nou bespreek julle elke ry wat uitgepak word.
Julle gaan nie noodwendig alle probleme dadelik kan oplos nie, maar jy sal verbaas wees oor hoeveel van die probleme van die verlede vorentoe geskiedenis raak. Dit sal julle ook help om te bepaal oor presies hoe julle voel oor die grense wat daar vir julle moet wees in julle omgang met ander persone.
Gaan spreek ´n professionele persoon indien julle enigsins voel julle kan nie die probleem oplos nie.



A***** skryf:
"Ek is van nature 'n baie jaloerse mens. Ek sal toelaat dat my man met 'n ander vrou dans, gesels, vriendskappe het en so af en toe bel. As dit kom by enige ander opmerkings wat hy maak van hoe goed 'n ander vrou gebou is of hoe goed sy lyk dan raak ek jaloers. As 'n man en vrou nou net seks gehad het en direk daarna, sonder dat daar nog kans was om oor enige iets te gesels, vertel hy vir jou 'n probleem wat 'n ander vrou het met bouwerk of iets by haar huis! Sal so iets nie vir enige vrou laat wonder of hy nou aan die ander vrou gedink het tydens julle seks nie?"

Ben:
Daar is al soveel oor jaloesie geskryf. Is dit reg of verkeerd en wanneer het mens rede?
Ek kan nie sê ek het die antwoord nie, maar hier is wat ek dink:
´n Klein (baie klein) hoeveelheid jaloesie kan baie help om die vuur in ´n verhouding te laat brand, maar net so maklik kan te veel daarvan enige verhouding blus.
Die jaloerse gade is niks nuuts nie. Sommige beweer dit is bloot ´n geval van ´n swak selfbeeld, terwyl Sigmund Freud wou hê dat dit spruit uit latente homoseksualiteit. Sielkundiges sien dit soms as ´n tipe paranoia.
Indien jou man niks kan doen wat die teendeel bewys nie of as jy uiters drastiese stappe neem weens jou jaloesie sou ek dink dit is redelik om te verwag dat jy by ´n professionele persoon gaan aanklop vir hulp.

14.7.14

Krom penis

Michael skryf:
"Ek het vandag 'n snaakse vraag. My meneer is in 'n snaakse manier gebuig. Hy is gebuig maar nie soos ander mans sin wat boontoe gebuig is nie, hy buig na onder wanneer styf. Verder kan ek ook sê dat die skag aanvanklik 90 grade begin teen my lyf en dus vandaaraf afkrom afwaarts. Is dit normaal en sal ek 'n normale sekslewe eendag kan geniet en is daar nog mans met sulke penisse."

Marthie van Zyl:
Dit is inderdaad normaal en daar is beslis nog mans wat dieselfde vorm het as jy. Daar is n aantal verskillende maniere waarop n panis kan "krom", as ook sywaarts, reguit af en dan natuurlik die meeste na bo.
Jy sal 'n normale seks lewe geniet.


Krom piel skryf:
"Ek het sedert verlede jaar agtergekom dat my piel begin krom word. Dit krul na boontoe. Ek en my vrou het nog gereeld seks, maar ons is albei ´n bietjie oorgewig en sy lê gewoonlik op haar rug en ek staan dan op my knieë voor ek my piel in haar druk. Kan die posisie die kromming veroorsaak?"

Ben:
Ek kan nie sê wat presies die fout is nie, maar as ek jy was het ek dadelik my dokter gaan sien.
Daar is ´n siekte genaamd Peyronie se siekte wat die penis laat krom trek.
Dit is selle wat verhard onder die vel. Wanneer jy ´n ereksie kry laat dit die penis buig teen ´n onnatuurlike skerp hoek.
Voel jy iewers ´n harde kol op die penis? Ereksies kan ook moeilik wees en omgang pynlik.
Ek is nie seker wat die siekte veroorsaak nie. Dit kom normaalweg voor by mans tussen die ouderdomme van 40 en 60.

7.7.14

Geslagsverandering

***** *** ****** skryf: "EK IS NOG NIE OP HORMOON PILLE NIE, WEET NIE HOE OM MY DOKTER TE NADER NIE. DIT IS AL VIR 15 JAAR DAT EK SO LEEF, AS N TRANSEKSUEEL"

Antwoord: Jy sal ook vir 'n sielkundige evaluasie moet gaan. Miskien wil jy hier begin en die sielkundige vra om jou na 'n dokter te verwys. Geslagsverandering is 'n lang proses en indien bestaan uit chirurgie en die formele verandering van jou persoonlike dokumentasie. Jy kan 'n ondersteuningsgroep soek en begin raad vra by ander transeksuele persone of 'n sielkundige opspoor wat hierin spesialiseer. Die volgende organisasie behoort jou van goeie hulp te voorsien: Gender DynamiX .



R**** skryf:
"Ek is transeksueel en wil meer weet oor geslagsveranderingoperasies. Kan hulle dit in Suid afrika doen en waar laat mens dit doen?"

Ben:
Ek is seker dit kan in Suid-Afrika gedoen word. Die plek om te begin is heel waarskynlik jou huisdokter. Vra hom/haar om jou te verwys.
Geslagsverandering word normaalweg voorafgegaan deur hormonale behandeling. Verder moet jy beslis vir berading gaan vooraf om seker te maak dat dit is wat jy wil hê.

Cobus:
In Suid-Afrika is slegs die verandering van man na vrou suksesvol.

 
ontwerp deur suckmylolly.com, uitgewer QVRP