11.1.18

Slegte seks

Daar is te min gedigte oor slegte seks in Afrikaans, en te veel oor die natuur, voëls, God en die liefde.

lees meer by Slegte seks en gin >>

17.11.17

Seks en hartstilstand

Seksuele aktiwiteit word selde geassosieer met skielike hartstilstand, ten spyte van heelwat mense se oortuiging dat dit maklik kan gebeur – veral met ouer mense.

Navorsing by die Cedars-Sinai Heart Institute in Amerika dui daarop dat minder as 1% van mense hulle ooit in so ’n situasie sal bevind. Van hierdie groep sal meer as 94% mans wees.

18.8.17

Beter slaap lei tot beter seks vir vroue

Slaapversteurings is niks nuuts nie en dit kom algemeen voor onder vroue in hul menopouse. Dit vererger veral met ouderdom.

Onlangse navorsings dui daarop dat slaapversteurings kan inmeng in jou sekslewe. ’n Studie van meer as 93 000 vroue tussen die ouderdomme van 50 en 79 het bevind dat minder as sewe ure slaap hand aan hand gaan met ’n gebrek aan seksuele bevrediging.

(Die studie is gepubliseer in die joernaal Menopause.)

19.4.17

Seks en sport

Tydens die Olimpiese Spele verlede jaar is 450 000 kondome uitgedeel aan atlete in die Olimpiese Dorp. Dit sou enige rugby afrigter van ouds in sy mieliepap laat stik, want almal weet mos; “seks voor sport is nadelig vir jou.”

Twak, sê ’n onlangse studie gepubliseer in die joernaal Frontiers of Physiology. Die nuwe studie het deur alle data van vorige navorsing oor die onderwerp gegaan en tot die gevolgtrekking gekom dat daar geen bewyse is dat seks voor sport ’n wesenlike nadeel inhou nie. Inteendeel, vroulike marathon atlete sal waarskynlik baat by seks die aand voor die wedloop.

Die navorsers maan egter daarteen dat jy nou nie twee ure voor die tyd nog in die bed moet doenig wees nie, maar die aand vooraf is nie meer buite perke nie, om die waarheid te sê, daar word aanbeveel.



22.3.17

Is seks goed vir ouer mense?

Gereelde genotvolle seks vir ouer mans hou die risiko in vir hartaanvalle en ander kardiovaskulêre probleme. Vir ouer vroue is goeie seks ’n gesondheidsvoordeel kan die risiko van hoë bloeddruk verlaag. Dit is volgens die eerste grootskaalse studie van hoe seks ouer persone se hart gesondheid beïnvloed.

Ouer mans in die studie wat een keer ’n week of meer seks gehad het, was baie meer geneig om kardiovaskulêre probleme te ervaar vyf jaar later as mans wat seksueel onaktief was. En hoe meer bevredigend die seks was, hoe hoër die risiko van kardiovaskulêre probleme later. Hierdie risiko is nie gevind nie onder ouer vroue.

Dit wil voorkom asof die spanning en eise van 'n seksuele verhouding meer relevant is vir mans soos hulle ouer word, hulle word al hoe meer broos en ondervind meer seksuele probleme.

Omdat die ouer mans meer sukkel om ’n orgasme te bereik, om mediese of emosionele redes, meer as hul jonger eweknieë, is daar ’n groter mate van uitputting en dus meer stres op hul kardiovaskulêre stelsel.

Testosteroonvlakke en die gebruik van medikasie om seksuele funksie te verbeter kan ook 'n rol speel.

Matige hoeveelhede seks mag gesondheid onder ouer mans bevorder, te veel of te lekker kan egter ’n risikofaktor vir kardiovaskulêre probleme word met tyd.

Vir vroue is dit ’n ander storie. Vir vroulike deelnemers aan die studie vir wie seks uiters aangenaam of bevredigend was het ’n laer risiko van hoë bloeddruk vyf jaar later ervaar, in teenstelling met die vroulike deelnemers wat nie seks so ervaar het nie. Daarbenewens kan die vroulike seksuele hormoon wat vrygestel word tydens orgasme ook die gesondheid van vroue bevorder.

Die studie is gedoen aan die Michigan State University en is gepubliseer in die Journal of Health and Social Behavior.

 
ontwerp deur suckmylolly.com, uitgewer QVRP