Loading

14.1.09

Versteuring van seksuele begeerte

Seksuele disfunksie verwys na ´n versteuring van jou behoefte van seksuele bevrediging of jou vermoë om seksuele bevrediging te verkry. Die week kyk ons na versteurings in jou begeerte om seks te hê.

Hipoaktiewe seksuele versteuring
Dit is wanneer jy geen of min seksuele fantasieë of ´n begeerte vir seks het.

Seksuele aversie
Dit is ´n uiterste afkeer in en vermyding van alle genitale kontak met ´n seksmaat.

Die oorsake van die versteurings kan fisies of psigies van aard wees. Voorbeelde van fisiese oorsake is siekte, stres, ondervoeding, alkohol- en dwelmmisbruik en sekere medikasie. Psigiese faktore is iets soos ´n vrees vir swangerskap, ´n vrees dat iemand jou sal hoor, ´n negatiewe selfbeeld of ´n verveeldheid met die manier waarop jy en jou maat seks het. Persone kan ook die versteurings opdoen omdat hulle van jongs af geleer is dat seks vuil en onaanvaarbaar is. Vroeë of ´n gebrek aan orgasmes kan ook die versteurings meebring.

Versteurings van seksuele opwekking
Orgasmeversteurings
Hieronder resorteer geïnhibeerde orgasmes en premature ejakulasie.

Geïnhibeerde orgasme
´n Gebrek aan orgasmes by vrouens dui nie altyd op ´n disfunksie nie, maar eerder na ´n variasie in vroulike seksualiteit of weens ´n vrou se onkunde oor haar eie anatomie. Seksuele spanning kan egter opbou by vrouens, indien hulle onvoldoende gestimuleer word, wat dan kan lei tot meer permanente tye van anorgasme.

Die grootste aantal manlike geïnhibeerde orgasmes wat die mees algemeenste voorkom is die onvermoë om in ´n vagina te ejakuleer. Meesal hou dit verband met die siening dat ´n orgasme so lank moontlik uitgestel moet word om maksimum genot uit seksuele aktiwiteit te put.

Faktore wat ´n rol speel by geïnhibeerde orgasmes is ´n vrees vir beheer verloor, ´n vrees vir ´n gek maak van jouself, die aard van die verhouding of ´n vrees vir swangerskap.

Premature ejakulasie
Dit verwys na ejakulasie wat plaasvind voordat die persoon wil hê dit moet gebeur. Psigoanaliste meen dit hou verband met haatgevoelens teenoor jou seksmaat of seksuele angs.
om 08:45
Etikette:

10 vrae / kommentaar:

  1. Hoe kan seksuele disfunksies oorkom word?
    ReplyDelete
  2. In die eerste plek sou ek aanbeveel dat enige persoon wat voel hulle het ´n probleem profesionele hulp gaan soek, veral met die psigologiese oorsake. Sommige seksuele disfunksies het meesal net ´n psigologiese oorsaak. Raadpleeg ´n telefoongids vir ´n psigiater in jou omgewing. Dit is verkieslik dat, indien jy net een seksmaat het, hy/sy jou vergesel tydens terapie. Behandeling benadruk normaalweg kommunikasie tussen paartjies en skop gewoonlik af met ´n opdrag dat daar geen seks vir ´n week kan plaasvind nie, terwyl julle opdrag kry om mekaar elke dag te stimuleer SONDER om die borste of geslagorgane te betrek. Tydens die tweede weet word die geslagsorgane betrek. Paartjies masturbeer mekaar en voor mekaar. Terapie is die beste behandeling vir ´n seksuele disfunksie en ´n profesionele persoon sal die beste weet wat toegepas moet word in elke individuele geval.

    Daar is egter ´n paar faktore waaraan jy self kan aandag gee. Siektes, stres, wanvoeding, alkohol- en dwelmmisbruik en sekere medikasie kan die seksdrang laat afneem. In enkele gevalle mag daar ´n biologiese toestand bestaan wat seksuele gedrag kan beïnvloed.
    ReplyDelete
  3. Ek en my man is al 5 jaar saam, ons het 'n baie goeie sekslewe gehad tot en met sowat 'n jaar terug. Ek het my baba verloor op 7 maande verlede jaar en weer in Mei die jaar. Ek is amper nooit in die bui om met my man liefde te maak nie. As ons wel liefde maak wil ek dit oor en verby he. Ek was nooit so gewees nie, ek kon nooit wag dat my man by die huis kom in die aande nie. Ek het ook agter gekom dat ek droog geraak het, waar ek altyd nat was en nou wil hy by my weet wat gaan aan. Hy het my al gevra of daar iemand anders in my lewe is omdat ek so is met hom in die bed. Ek wil nie so wees nie. Kan u asb vir my raad gee om wat om te doen. Ons het altyd ook ons speelgoed gebruik maar nou nie meer nie. Ek wil nie my man verloor nie ek is ongelooflik baie lief vir hom en as ek nie binne kort iets doen nie gaan ek hom verloor.
    ReplyDelete
  4. Jammer om te hoor van jou verlies. Ek vermoed jou probleem is nie fisies van aard nie, maar eerder psigies. Die beste raad aan jou is om 'n sielkundige te gaan spreek. Die verlies van 'n baba kan 'n traumatiese ervaring wees en kan 'n mens se sekslewe aantas. Hoop jou man sal begrip hiervoor hê.
    ReplyDelete
  5. My verloofde kry net nie genoeg seks nie. Dit voel net of hy 'n halfuur na seks steeds nie bevredig is nie. Ek bedoel ons het elke aand en oggend seks in die week en hy stel al voor ek vat etenstye af en gaan huistoe daarvoor, en oor 'n naweek wil hy dit heeltyd en orals hê. Dit raak te erg en beinvloed na amper 2-jaar my verhouding. Wat kan ek doen?
    ReplyDelete
  6. Sjoe! Ek neem aan dis 'n jong man hierdie. Belangrik dat jy nou moet begin praat met hom. Kommunikasie is dié belangrikste ding in enige verhouding.
    ReplyDelete
  7. Ek en my man is al amper 8jr saam en 5jr getroud. Hy is 51 en ek 46.Hy is seksueel baie warm te warm en verwag allerhande goed van my wat my ongemaklik laat voel soos bv.om sonder a "panty"of bra rond te loop. Ek het nou al gegaan by die panty gedeelte, maar die bra kan ek nie los nie. Is oorgewig en het hang borste. Hy bly egter daarop aandring en wil nie nee vir 'n antwoord aanvaar nie. Nog 'n ding, ons het al geswing in ons lewe wat vir ons beide 'n fantasie is, maar weereens is die feit dat ek oorgewig is, vir my 'n probleem. Ek voel baie selfbewus en my man dink ek is die seksieste vrou in die hele wereld. Hy't so baie liefde vir my soveel so,dat ek versmoor voel. Ek was self baie warm,maar is nou vir 5jr 'n diabeet en is besig om in my oorgangsjare in te gaan.Ek raak verskriklik gestres as hy eers met my seks begin praat en glo my dis baie erg. Dis sms'e die hele dag en dit hou nie op vir die hele dag tot omtrent 12uur in die aande nie en as hy opstaan,begin hy al klaar weer praat oor die vorige dag en aand.Ek moet bynoem dat hy 23jr 'n liefdelose huwelik gehad het. Sy was 'n "one night stand"en was swanger, daarom met haar getrou.Help my asb glo my ek is nie heeltemal koud nie en geniet liefde maak en stout wees as ons daar gaan baie, maar te veel laat my voel ek word vasgedruk.Die probleem is darem ook nou nie week in en week uit nie, maar as hy eers begin,hou dit aan vir ongeveer 2 weke. Eintlik weet ek nou nie waaroor ek kla nie,maar voel so magteloos.Ek kan deesdae klaar kom sonder seks.Dit pla my nie meer nie,maar nou moet ek hom happy hou.Hy's goed vir my, baklei nie met my nie en ag,sommer nog baie ander dinge.Gee tog net vir my raad.
    ReplyDelete
  8. Daar is iets soos te veel seks indien jou man se eise jou 'n weersin in seks gee. Niemand behoort ooit iets te doen wat hulle ongemaklik laat voel nie. Dit wil voorkom asof daar nie goeie kommunikasie tussen julle twee is nie. 'n Verhouding behels gee en neem van beide kante en dit wil voorkom asof jy te veel gee. Jy moet ophou om hom sy sin te wil gee teen koste van jouself. Jy moet mooi en openhartig met hom praat en jou gevoelens met hom deel. Soek vir alternatiewe wanneer sy seksdrang bietjie hoog raak vir jou. Wat van byvoorbeeld 'n sport vir hom? Dis dalk 'n idee vir 'n kersgeskenk of vir sy verjaarsdag.
    Dis wonderlik dat hy jou begeer, maar vir meeste mense moet begeerte opbou. Tydsverloop tussen seksdade is soms net so belangrik as die daad self. Onthou om hom ook mee te deel hoe lief jy vir hom is.
    ReplyDelete
  9. Wat kan ek maak om my seksdrang te verlaag. My drang is heelwat hoër as my vrou s'n en dit skep soms 'n probleem.
    ReplyDelete
  10. Marthie van ZylJul 20, 2009 12:58 PM
    Jy kan n uroloog gaan spreek oor jou seksdrang, maar dit is baie moeilik om uit die inligting wat jy vir my gee te bepaal wie die probleem het ... miskien is jou vrou se drang TE LAAG?
    ReplyDelete

Subscribe to: Post Comments (Atom)
 
ontwerp deur suckmylolly.com, uitgewer QVRP