4.7.18

Wat ons tepels verklap

Tepelgrootte wissel aansienlik van vrou tot vrou, terwyl manlike tepels meer eenvormig is. Hierdie verskynsel druis egter in teen ’n algemene aanname van evolusionêre biologie.

Evolusionêre biologie probeer verstaan watter spesifieke eienskappe van die liggaam aangepas is om 'n doel te dien en of iets net lukraak ontwikkel het, en in watter mate hierdie eienskappe funksioneel is. Sommige evolusionêre navorsers meen dat ’n klein verskeidenheid in die grootte van spesifieke biologiese eienskappe ’n aanduiding is dat dit ’n baie spesifieke doel het of gewoon die gevolg is van sterk evolusionêre seleksie. Funksies wat hoogs veranderlik is, is derhalwe as gevolg van swak evolusionêre seleksie.

Om hierdie aanname te toets het navorsers aan die Universiteit van Queensland in Australië ’n ondersoek geloods na die menslike tepel. Manlike tepels word beskou as ’n tipiese evolusionêre neweproduk, ’n nie-funksionele weergawe van die funksionele vroulike tepel.

Daar is bevind manlike tepels is gemiddeld 36 persent die grootte van vroulike tepels. Daar is ook 'n groter variasie in die tepelarea by vroue. Hulle het ook bevind dat vroulike tepels aansienlik meer veranderlik is as manlike tepels as gevolg van aspekte soos die persoon se liggaamsmassa-indeks, die temperatuur van die kamer en borsmaat.

Daar is al voorheen beweer dat die groter variasie in die lengte van klitorisse in vergelyking met penisse beteken dat die vroulike orgasme ’n nie-funksionele neweproduk van die manlike orgasme is. Op grond van die nuwe navorsing beteken dit hierdie bewerings snert is, omdat die analise van manlike en vroulike tepels die teenoorgestelde evolusionêre effek toon.


(foto Lars Ploughman)

10.5.18

Die wêreld se grootste orgie

Die huidige wêreldrekord vir die grootste orgie is in 2006 in Tokyo opgestel toe 500 mense bymekaargekom het :-)

’n Organisasie genaamd Menage Life beplan nou om die wêreldrekord te breek deur 1 000 mense saam te bring in Las Vegas. Deelname kos ongeveer R2 500 vir paartjies en R300 vir ’n enkellopende vrou. Enkellopende mans word nie toegelaat nie.

Die datum is 2 Junie 2018, indien jy solank jou vliegtuigkaartjie wil bespreek.


(foto: Jack Zalium)

16.3.18

Dagga goed vir jou sekslewe

Navorsers aan die Universiteit van Stanford het bevestig dat die gereelde gebruik van dagga jou sekslewe verbeter.

Volgens die studie het paartjies wat dagga gebruik 20% meer seks as ander mense. Dit geld vir mense van alle ouderdomme. Daar is ook aanduidings dat dit die kwaliteit van seks verbeter.

Die studie se bevindings is gepubliseer in die Journal of Sexual Medicine.

11.1.18

Slegte seks

Daar is te min gedigte oor slegte seks in Afrikaans, en te veel oor die natuur, voëls, God en die liefde.

lees meer by Slegte seks en gin >>

17.11.17

Seks en hartstilstand

Seksuele aktiwiteit word selde geassosieer met skielike hartstilstand, ten spyte van heelwat mense se oortuiging dat dit maklik kan gebeur – veral met ouer mense.

Navorsing by die Cedars-Sinai Heart Institute in Amerika dui daarop dat minder as 1% van mense hulle ooit in so ’n situasie sal bevind. Van hierdie groep sal meer as 94% mans wees.

18.8.17

Beter slaap lei tot beter seks vir vroue

Slaapversteurings is niks nuuts nie en dit kom algemeen voor onder vroue in hul menopouse. Dit vererger veral met ouderdom.

Onlangse navorsings dui daarop dat slaapversteurings kan inmeng in jou sekslewe. ’n Studie van meer as 93 000 vroue tussen die ouderdomme van 50 en 79 het bevind dat minder as sewe ure slaap hand aan hand gaan met ’n gebrek aan seksuele bevrediging.

(Die studie is gepubliseer in die joernaal Menopause.)
 
ontwerp deur suckmylolly.com, uitgewer QVRP